პოლიტიკური პოდიუმი ტექტონური კატასტროფის შემდეგ
ჩარეცხილები, ჩამრეცხავები და მოხეტიალე დერვიშებისოციოლოგირი და მარკეტინგული კვლევების ცენტრის IPL -ის და გაზეთის "ბანკები და ფინანსები" სოციოლოგიური ჯგუფის მიერ ჩატარებულ გამოკით ხვას, რომელმაც 3-5 ნოემბერს ქალაქ თბილისში 600 რესპოდენტი მოიცვა, ბუნებრივია, არ შეიძლება ჰქონდეს აბსოლუტური ჭეშმარიტების პრეტენზია. ცდომილების დასაშვები დონის გათვალისწინებით, ბოლო დროს დაფიქსირებული ტენდენცია, ვფიქრობ, ზუსტადაა გამოკითხვის შედეგებში ასახული. მწირი ბიუჯეტით გაკეთებულ კვლევას, ბუნებრივია, არ შეიძლება მეტის პრეტენზია ჰქონდეს, მაგრამ იგი თავის საქმეს აკეთებს და საზოგადოებას პოლიტიკურ ძალთა და პერსონალიების ახალი განლაგების თაობაზე საინტერესო ინფორმაციას აწვდის.
დამოუკიდებელი და ობიექტური სოციოლოგიური კვლევების კომპანიები საქართველოში, ფაქტობრივად, აღარ არსებობენ. IRI-IPM-ისა და NDI-კავკასიის რესურს-ცენტრის გამოკითხვებისადმი, მრავალი მიზეზის გამო, საზოგადოების ნდობა დაბალია. საკუთარი მოხმარებისთვის პარტიების ან საერთაშორისო ორგანიზაციების მიერ ჩატარებული კვლევების შედეგები კი საზოგადოებისთვის მიუწვდომელი რჩება. ამით, ცხადია, ხელისუფლებას და ოპოზიციასაც კი რეალური სურათის მიჩქმალვა-მიჩუმათება სურთ. IPL -ისა და `ბ&ფ~-ს გამოკითხვა და მისი შდეგები ამიტომაცაა ფასეული და საყურადღებო.
ბიძინა ივანიშვილის გამოჩენას პოლიტიკურ სარბიელზე მიწისძვრის ეფექტი ჰქონდა. ეს იყო კატასტროფა ჩვენი პოლიტიკური ისტებლიშმენტისთვის. ჩემი აზრით, შექმნილი სურათი ადეკვატურია არამარტო თბილისის, არამედ ქვეყნის მასშტაბითაც. თუმცა, ივანიშვილის მაღალი რეზულტატი სახიფათოა არამარტო ხელისუფლებისთვის, არამედ თავად ბიძინა ივანიშვილისა და მისი მოკავშირეებისთვის.
პოლიტიკოსებისა და პარტიების დაბალი მაჩვენებლები ივანიშვილის გამოჩენით გამოწვეული ეიფორიის შედეგია, რაც დაახლოებით 3-4 თვის შემდეგ დაბალანსდება. დაიწყება პოლიტიკური სპექტრის შესაძლებლობების რეანიმაცია-რეაბილიტაციის ეტაპი. საბოლოო ჯამში, `ერთიან ნაციონალურ მოძრაობას" პრესინგიდან კონკურენციის კლასიკური მეთოდების გამოყენება თუ იხსნის და დაუტოვებს შანსს. ამას ყველაზე კარგად გამოკითხვის კონკრეტული მაჩვენებლები ცხადყოფს.
სოციოლოგიური და მარკეტინგული კვლევების ცენტრი IPL
გაზეთ "ბანკები და ფინანსების” სოციოლოგიური ჯგუფი
გამოკითხვა ჩატარდა 2011 წლის 3-4-5 ნოემბერს ქალაქ თბილისში
შემთხვევითი შერჩევის პრინციპით გამოიკითხა 600 რესპოდენტი
რეგისტრაცია!
